Minningarsjóður JPJ

 

Minningarsjóður 
Jean-Pierre Jacquillat
Saga sjóðsins

Minningarsjóður Jean-Pierre Jacquillat var stofnaður í apríl 1987, innan við ári eftir að Jean-Pierre lést af slysförum í bílslysi árið 1986. Við sviplegt andlát Jean-Pierre kom upp sú hugmynd innan stjórnar Lindar að komið yrði á fót sérstökum minningarsjóði og yrði hlutverk sjóðsins að úthluta íslensku tónlistarfólki styrkjum til að afla sér aukinnar menntunar, halda nafni Íslandsvinarins og hljómsveitarstjórans Jean Pierre á lofti og efla um leið menningarsamskipti Íslands og Frakklands.

 

Tildrögin að stofnun sjóðsins voru þau að á árinu 1986 stofnuðu Samvinnusjóður Íslands og Samvinnubankinn hf., eignarleigufyrirtækið Lind hf., í samstarfi með franska bankanum Banque Indosuez. Þann 21. apríl 1987 undirritaði stjórn Lindar stofnsamning um minningarsjóðinn með 2,5 milljón króna stofnfjárloforði sem greiðast skyldi í áföngum á nokkrum árum. Árið 1990 hafði Lind hf. staðið við skuldbindingar sínar auk þess sem Ármannsfell lagði fram 500 þúsund krónur. Minningarsjóðurinn varð sjálfseignarstofnun frá 1. janúar 1991 og var fyrsti styrkurinn veittur  árið 1992, fimm árum eftir stofnun sjóðsins.

 

 

Stjórn sjóðsins

Stjórn sjóðsins skipa Börkur Arnarson, formaður, Árni Heimir Ingólfsson, Halldór Friðrik Þorsteinsson, Dögg Ármannsdóttir, Arna Kristín Einarsdóttir og Cecile Jacquillat.

 

 

Styrkþegar